O pasado domingo, 13 de maio, celebrouse na cidade da Coruña o Campionato Xogade (grupos Show en idade escolar), onde participaban dous grupos das escolas deportivas do CD.Fontiñas. O grupo C, que competiu na categoría de Grupos Grandes - Primaria-, puxo en escea a coreografía "Metamorfose", onde as nosas patinadoras contan a historia da transformación que sofren os gusanos de seda en preciosas bolboretas. O grupo C impúxose ós equipos do C.P Bricandeira coa súa posta en escea "Flores", e as Escolas deportivas de Ribeira coa coreografía "Inspiración".
Pola contra, o Grupo D das escolas deportivas do CD.Fontiñas, foi o único participante na súa categoría (Grupos Grandes - Secundaria-). A proposta de este ano titúlase "En cautividade", e representa a agonía e a tristeza por perder a liberdade, física ou mental.
Como sempre agradecemos o traballo e o esforzo dos patinadores que nos acompañaron neste día, e tamén agradecer o apoio dos pais/nais por animarnos e apoiarnos nas nosas saídas.
NORABOA A TODOS!!
